წესები
ბურა ორი მოთამაშის კარტის თამაშია. მიზანია, წაღებული კარტებით საკმარისი ქულა დააგროვო — 3 კარტაში 31, 5 კარტაში 61 — და პირველმა თქვა „ვარ!". თუ ქულა არ გეყო, ხელს წააგებ.
კარტები და ქულები
- 3 კარტა: 20 კარტი — J, D, K, 10, A ოთხივე მასტისა.
- 5 კარტა: 36 კარტი — 6-დან A-მდე.
- იერარქია მასტში: 6 < 7 < 8 < 9 < J < D < K < 10 < A.
- ქულები: A 11, 10 — 10, K 4, D 3, J 2, 6–9 — 0.
დარიგება
- თითოეულს 3 ან 5 კარტი ურიგდება (ჰოსტის არჩევანი). შემდეგი კარტი ამოტრიალდება და კოზირს აჩვენებს; ის ბოლოს აიღება.
- პირველ ხელს იწყებს ის, ვისაც უფრო მაღალი კარტი დაურიგდა, შემდეგ ხელებს — წინა ხელის მოგებული.
სვლა
- შემტევი ჩამოდის ერთი, ორი ან სამი ერთი მასტის კარტით.
- მოწინააღმდეგე ჩამოდის იმავე რაოდენობით. თუ თითოეულს ფარავს (უფრო მაღალით იმავე ფერისა ან კოზირით), ყველა კარტს ის იღებს. თუ ვერ ფარავს, კარტებს დახურულად ჩამოდის, და ყველაფერს შემტევი იღებს.
- შემდეგ ორივე ავსებს ხელს დასტიდან, ჯერ ხელის წამღები, და ის იწყებს შემდეგ სვლას.
✋ „ვარ!"
„ვარ!"-ის თქმა შეიძლება მხოლოდ მაშინ, როცა ბოლო ხელი შენ წაიღე. ითვლება მხოლოდ მთქმელის ქულები: თუ ორივეს გაქვთ საკმარისი, იგებს ის, ვინც პირველმა თქვა. თუ წაღებულ კარტებში საკმარისი ქულა გაქვს (31 ან 61), ხელი შენია; თუ ნაკლები, მოწინააღმდეგის. ჰოსტის არჩევით საკუთარი ქულა ეკრანზე ჩანს ან კლასიკურად თავში ითვლი. თუ კარტები ამოიწურა და არავინ თქვა „ვარ", რაუნდს იგებს მეტი ქულის მქონე.
👑 ბურა და 🎴 მალიუტკა
- ბურა — თუ ხელში ყველა კარტი კოზირია (3 კარტაში 3, 5 კარტაში 5), ხელს იგებ. გამოცხადებამდე შეგიძლია ჯერ ფსონი გაზარდო: დავი, სე და ა.შ.
- მალიუტკა — ხელში ყველა კარტი ერთი მასტისაა (არა კოზირი). თამაში არ მთავრდება, მაგრამ შეგიძლია მთელი ხელით ერთად ჩახვიდე (5 კარტაში — ხუთივე). ჰოსტი ირჩევს: რიგით (მხოლოდ შენს სვლაზე) თუ ურიგოდ (ნებისმიერ დროს, როცა მაგიდა ცარიელია).
ფსონი: დავი, სე, ჩარი…
ხელი ჩვეულებრივ 1 ქულა ღირს. შეგიძლია შესთავაზო „დავი" (×2). მოწინააღმდეგეს სამი არჩევანი აქვს: დათანხმება, უარი (მაშინ ხელს კარგავს მიმდინარე ფსონით) ან თავადაც გაზრდა — „სე" (×3). შემდეგ „ჩარი" (×4), „ფანჯი" (×5), მაქსიმუმ „შაში" (×6), რიგრიგობით. გაორმაგებული ხელის მოგება ანგარიშს 2:0-ით ცვლის.
თამაშის დასასრული და ⭐
- თამაში (პარტია) გრძელდება 1, 3, 7 ან 11 ხელამდე (ჰოსტის არჩევანი).
- ქულების ჩართვისას თითოეული იხდის 10 ⭐-ს, გამარჯვებული იღებს 15 ⭐-ს.
- ყოველ სვლას ტაიმერი აქვს; ვადის გასვლისას სისტემა ყველაზე დაბალ კარტს ჩამოიტანს, ხოლო ფსონის შეთავაზებაზე ეთანხმება.